12 лістапада, Мінск /Кар. БЕЛТА/. Інспекцыйная група Літвы 12-14 лістапада наведае 19-ю асобную механізаваную брыгаду Паўночна-Заходняга аператыўнага камандавання. Такая інфармацыя размешчана на сайце Мінабароны.
Інспекцыя праводзіцца ў адпаведнасці з палажэннямі Дамоўленасці аб дадатковых мерах даверу і бяспекі. "Мэтай наведвання з'яўляецца ацэнка інфармацыі адносна гэтай воінскай часці, якая была прадстаўлена Беларуссю дзяржавам - удзельніцам АБСЕ ў рамках Венскага дакумента 2011 года аб мерах умацавання даверу і бяспекі", - праінфармавалі ў Мінабароны.-0-