Сцяг Пятніца, 29 сакавіка 2024
Усе навіны
Усе навіны
Грамадства
10 кастрычніка 2019, 16:08

Ліневіч: любую праблему можна вырашыць, глыбока яе вывучыўшы

10 кастрычніка, Докшыцы /Андрэй Шчарбіцкі - БЕЛТА/. Любую праблему можна вырашыць, галоўнае яе з розных бакоў і глыбока вывучыць. Такое меркаванне выказаў сёння журналістам памочнік Прэзідэнта - інспектар па Віцебскай вобласці Анатоль Ліневіч па выніках асабістага прыёму грамадзян у Докшыцкім райвыканкаме, перадае карэспандэнт БЕЛТА.

Паводле слоў памочніка Прэзідэнта, сёння ў час прыёму людзі звярталіся ў асноўным са стандартнымі пытаннямі - зямельныя спрэчкі і тэма добраўпарадкавання. "Сустрэчы з народам - сістэмная і пастаянная работа. Мы не абмяжоўваемся прыёмам грамадзян, наведваем калектывы прадпрыемстваў і арганізацый, размаўляем з імі і заўсёды даступныя. Дзверы ўлад для абмеркавання праблемы людзей адкрыты для ўсіх - прыходзьце і вырашайце пытанні", - адзначыў Анатоль Ліневіч.

Некаторыя агучаныя праблемы былі вырашаны адразу. Жыхарка аграгарадка Параф'янава па тэлефоне звярнулася з просьбай заасфальтаваць 300 м па вуліцы Першамайскай. У пенсіянеркі праблемы са здароўем, яна інвалід і не можа дабрацца да амбулаторыі. Памочнік Прэзідэнта - інспектар па Віцебскай вобласці даручыў мясцовым уладам заасфальтаваць участак вясной 2020 года. Старшыня райвыканкама Алег Пінчук паабяцаў, што ў наступным годзе пытанне вырашаць. У час прыёму таксама былі зняты праблемы жыхаркі Докшыц па прыватызацыі дома.

Іншыя тэмы запатрабуюць дадатковай прапрацоўкі. Жыхар Докшыц хоча пашырыць свой дом, у частцы якога знаходзіцца магазін. Мясцовыя ўлады кажуць, што гэта немагчыма: на гэтай тэрыторыі праходзіць каналізацыя, якая завязана на новы мікрараён у горадзе. У выпадку аварыі будуць складанасці ў рамонтных работах. За свой кошт прадпрымальнік адмаўляецца вынесці гэтыя сеткі ўбок. Мясцовы жыхар таксама хоча ўзвесці глухую двухметровую агароджу каля дома. Але паколькі ён знаходзіцца ў цэнтры горада, гэта будзе неэстэтычна выглядаць. Мясцовай адміністрацыі даручана сустрэцца з чалавекам яшчэ раз і знайсці прымальнае рашэнне пытанняў.

Анатоль Ліневіч акцэнтаваў увагу на важнасці карэктнай размовы чыноўнікаў са звычайнымі людзьмі. "Ім трэба быць псіхолагамі, каб гаварыць з чалавекам і чуць яго праблему. Неабходна з розных бакоў, глыбока вывучыць тэму, тады яе рашэнне можна знайсці. Чыноўніку недапушчальна груба сябе паводзіць, такія выпадкі будуць выкараняцца", - дадаў памочнік Прэзідэнта.

На прыёме былі закрануты пытанні выплаты пенсій, якасці дарог, цэн на лякарствы. Усяго з пачатку года ў мясцовы райвыканкам прыйшло больш за 100 зваротаў.-0-

Падпісвайцеся на нас у
Twitter
Топ-навіны
Свежыя навіны Беларусі