Сцяг Пятніца, 29 сакавіка 2024
Усе навіны
Усе навіны
Грамадства
23 лістапада 2017, 10:15

Колькасць палігонаў для пахавання ЦКА ў Беларусі плануецца скараціць удвая

23 лістапада, Мінск /Кар. БЕЛТА/. Колькасць палігонаў для пахавання цвёрдых камунальных адходаў у Беларусі плануецца скараціць удвая. Аб гэтым паведаміла начальнік упраўлення камунальнай гаспадаркі і энергетыкі Міністэрства жыллёва-камунальнай гаспадаркі Марына Тоўсцік у час круглага стала ў прэс-цэнтры БЕЛТА, арганізаванага газетай "7 дней".

"Міністэрства жыллёва-камунальнай гаспадаркі сумесна з ДУ "Аператар другасных матэрыяльных рэсурсаў" распрацавала праект дзяржаўнай праграмы. У прыватнасці, ён прадугледжвае скарачэнне колькасці палігонаў як мінімум удвая за кошт будаўніцтва міжрэгіянальных палігонаў. Праектам прадугледжаны, напрыклад, адзін вялікі палігон для некалькіх раёнаў, яго размяшчэнне будзе роўнааддаленае і зручнае для ўсіх", - адзначыла Марына Тоўсцік.

Паводле яе слоў, такі падыход дасць магчымасць скараціць агульныя затраты на перапрацоўку ЦКА.

Паводле даных Мінпрыроды на 1 верасня, у Беларусі функцыянуе 168 вялікіх палігонаў для пахавання ЦКА і 1 238 міні-палігонаў у сельскай мясцовасці. Каля 16 працэнтаў цвёрдых камунальных адходаў ідзе на перапрацоўку і 84 працэнты - на пахаванне на палігонах. За 2016 год у Беларусі ўтварылася 4,3 млн т цвёрдых камунальных адходаў.-0-

Падпісвайцеся на нас у
Twitter
Топ-навіны
Свежыя навіны Беларусі