18 студзеня, Мінск /Кар. БЕЛТА/. Спецыялізаваны кірмаш "Рыба Беларусі" пройдзе 21-22 студзеня ў Маскоўскім раёне сталіцы, паведамілі карэспандэнту БЕЛТА ў галоўным упраўленні спажывецкага рынку Мінгарвыканкама.
Кірмаш разгорнецца на пляцоўцы, размешчанай на пр. Газеты "Праўда", 40. Гандаль будзе ісці з 10.00 да 17.00. Рыбгасы рэспублікі прадставяць па даступных цэнах вялікі асартымент сажалкавай і азёрна-рачной рыбы (карп, таўсталобік, амур, карась, асятровыя) і прадукцыі яе перапрацоўкі (марожаныя паўфабрыкаты, вэнджана-вяленая рыбная прадукцыя, рыбныя кансервы).
Спецыялізаваныя рыбныя кірмашы прадоўжацца ў Мінску ў студзені-лютым, праінфармавалі ў ГУСР.-0-