6 жніўня, Мінск /Кар. БЕЛТА/. Кіраўнікі рэспубліканскіх органаў дзяржкіравання правядуць у жніўні выязныя прыёмы, паведамляе БЕЛТА са спасылкай на сайт урада Беларусі.
Міністр прыродных рэсурсаў і аховы навакольнага асяроддзя Андрэй Худык правядзе прыём грамадзян 10 жніўня ў Лагойскім райвыканкаме, старшыня Дзяржаўнага ваенна-прамысловага камітэта Алег Двігалеў - 29 жніўня на аўтазборачнай вытворчасці "Нёман" у Лідзе.
На 15 жніўня запланавана сустрэча з грамадзянамі ў Маладзечанскім райвыканкаме старшыні Дзяржстандарту Віктара Назаранкі, на 16 жніўня ў Стаўбцоўскім райвыканкаме - Упаўнаважанага па справах рэлігій і нацыянальнасцей Леаніда Гулякі. У Ваўкавыскім райвыканкаме 24 жніўня правядзе прыём старшыня Дзяржаўнага мытнага камітэта Юрый Сянько.-0-