4 мая, Мінск /Кар. БЕЛТА/. Кіраўнікі дзяржорганаў правядуць у маі прамыя тэлефонныя лініі, паведамілі БЕЛТА ў прэс-службе ўрада.
Так, 5 мая прамыя тэлефонныя лініі правядуць міністр прыродных рэсурсаў і аховы навакольнага асяроддзя Андрэй Худык, міністр сувязі і інфарматызацыі Сяргей Папкоў, міністр фінансаў Уладзімір Амарын, старшыня Дзяржаўнага ваенна-прамысловага камітэта Алег Двігалеў, старшыня Дзяржаўнага камітэта па стандартызацыі Віктар Назаранка.
На прамой тэлефоннай сувязі з насельніцтвам 12 мая будуць міністр інфармацыі Аляксандр Карлюкевіч, старшыня Дзяржаўнага камітэта па маёмасці Андрэй Гаеў, старшыня Дзяржаўнага камітэта па навуцы і тэхналогіях Аляксандр Шумілін, старшыня Дзяржаўнага пагранічнага камітэта Анатоль Лапо.
19 мая прамыя тэлефонныя лініі правядуць міністр жыллёва-камунальнай гаспадаркі Аляксандр Церахаў, міністр сельскай гаспадаркі і харчавання Леанід Заяц, міністр юстыцыі Алег Сліжэўскі.
26 мая можна будзе звязацца з міністрам архітэктуры і будаўніцтва Анатолем Чорным, міністрам інфармацыі Аляксандрам Карлюкевічам, міністрам культуры Юрыем Бондарам.
Акрамя кіраўнікоў дзяржорганаў прамыя тэлефонныя лініі правядуць іх намеснікі.
Час прамых тэлефонных ліній - з 9.00 да 12.00.-0-
