24 верасня, Мінск /Кар. БЕЛТА/. Кароткачасовыя дажджы і моцны вецер чакаюцца ў Беларусі 25 верасня, паведамілі БЕЛТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Сіноптыкі папярэджваюць аб неспрыяльных метэаралагічных з'явах, аб'яўлены аранжавы ўзровень небяспекі з-за моцнага ветру.
У аўторак будзе воблачна з праясненнямі. Уначы месцамі, удзень на большай частцы тэрыторыі Беларусі пройдуць кароткачасовыя дажджы. Вецер прагназуецца паўночна-заходні 7-12 м/с, у многіх раёнах з парывамі 15-20 м/с, уначы месцамі па паўночным усходзе да 22-27 м/с.
Тэмпература паветра ўначы складзе 3-8 градусаў вышэй за нуль, удзень - плюс 7-13.-0-