15 чэрвеня, Мінск /Кар. БЕЛТА/. У Беларусі ў бягучым годзе плануецца пабудаваць 1 850 кватэр сацыяльнага карыстання з прыцягненнем тэхніка-эканамічнай дапамогі Кітая, паведаміў начальнік упраўлення жыллёвай палітыкі Міністэрства архітэктуры і будаўніцтва Аляксандр Горваль у час круглага стала ў прэс-цэнтры БЕЛТА.
За бюджэтныя сродкі плануецца пабудаваць амаль 700 такіх кватэр, за першы квартал уведзена ўжо 326.
У цэлым на фінансаванне будаўніцтва жылля ў 2018 годзе плануецца накіраваць Br4,26 млрд, з іх рэсурсы на льготнае крэдытаванне складуць Br646 млн.
"З улікам таго, што плануецца штогод павялічваць аб'ём будаўніцтва жылля на 500 тыс. кв.м, аб'ём сродкаў на льготнае крэдытаванне ў 2020 годзе перасягне Br1 млрд, а ў цэлым на фінансаванне будаўніцтва жылля будзе накіравана каля Br6 млрд", - сказаў Аляксандр Горваль.
Паводле слоў начальніка ўпраўлення жыллёвай палітыкі Мінгарвыканкама Аляксандра Аўраменкі, вызначана 17 катэгорый грамадзян, якім можа прадастаўляцца жыллё сацыяльнага карыстання. Як правіла, гэта сем'і, у якіх даходы не дазваляюць пабудаваць жыллё нават з прыцягненнем ільготнага крэдыту. Цяпер у сталіцы чарга на такія кватэры складае каля тысячы чалавек.-0-