Сцяг Пятніца, 29 сакавіка 2024
Усе навіны
Усе навіны
Грамадства
22 снежня 2017, 17:34

Калінін: у Беларусі вырашаецца пытанне аб пашырэнні бязвізавай прасторы

22 снежня, Гомель /Кар. БЕЛТА/. Цяпер прымаецца рашэнне аб пашырэнні бязвізавай прасторы Беларусі. Аб гэтым сёння ў час цырымоніі ўручэння вымпела, які пераходзіць Гомелю як лепшаму абласному гораду па добраўпарадкаванні, паведаміў намеснік прэм'ер-міністра Анатоль Калінін, перадае карэспандэнт БЕЛТА.

"Цяпер на завяршальнай стадыі ўзгаднення знаходзіцца праект указа кіраўніка дзяржавы, які датычыцца ўстанаўлення бязвізавага парадку ўезду і выезду замежных грамадзян. Размова ідзе пра Брэст і Гродна, а таксама прылеглыя да іх тэрыторыі, дзе бязвізавы рэжым будзе прадоўжаны да 10 дзён", - сказаў віцэ-прэм'ер. У далейшым гэты тэрмін таксама можа быць павялічаны, дадаў ён.

Паводле слоў Анатоля Калініна, гэтыя меры будуць садзейнічаць павелічэнню патоку замежных турыстаў у Беларусь.-0-

Падпісвайцеся на нас у
Twitter
Топ-навіны
Свежыя навіны Беларусі