6 сакавіка, Мінск /Кар. БЕЛТА/. Яшчэ некалькі ВНУ ў Беларусі павысілі кошт платнага навучання, паведамляе БЕЛТА.
У прыватнасці, кошт навучання павышаны ў Акадэміі кіравання пры Прэзідэнце. Расцэнкі зацверджаны загадам рэктара і пачалі дзейнічаць з 1 сакавіка. Напрыклад, студэнты вочнай (дзённай) формы атрымання адукацыі за навучальны год павінны заплаціць Br2550, студэнты завочнай формы (на базе сярэдняй) - Br1100, студэнты завочнай формы (на базе вышэйшай) - Br1080.
Кошт дзённай формы навучання на першым-трэцім курсах спецыяльнасцей "правазнаўства" і "эканамічнае права" на юрыдычным факультэце БДУ, "міжнароднае права" на факультэце міжнародных адносін з 1 сакавіка складае Br3136 (раней - Br2851). Для студэнтаў філалагічнага факультэта па спецыяльнасцях "беларуская філалогія" і "руская філалогія", а таксама факультэта сацыякультурных камунікацый па спецыяльнасці "сацыяльная работа" навучанне каштуе Br2242 (раней - Br2039).
Выраслі цэны на навучанне і ў БДПУ імя Максіма Танка, БДУІР.
Павышэнне кошту звязана з павелічэннем памеру тарыфнай стаўкі першага разраду для аплаты працы работнікаў бюджэтных арганізацый, змяненнем умоў аплаты працы прафесарска-выкладчыцкага складу, павелічэннем тарыфаў на камунальныя паслугі.-0-
