24 жніўня, Мінск /Кар. БЕЛТА/. Інфармацыі аб наяўнасці грамадзян Беларусі сярод ахвяр землетрасення ў Італіі няма. Аб гэтым гаворыцца ў твітар-акаўнце пасольства Беларусі ў Італіі, паведамляе БЕЛТА.
"СМІ ўжо заяўляюць аб 22 загінулых і шматлікіх пацярпелых, няма інфармацыі аб наяўнасці нашых грамадзян", - паведамляе пасольства.
Адзначаецца, што пасольства ўважліва адсочвае сітуацыю ў сувязі з землетрасеннем у цэнтральнай Італіі.
Раней у МЗС папрасілі тых, чые сваякі знаходзяцца ў пацярпелых ад землетрасення раёнах Італіі і не выходзяць на сувязь, паведаміць аб гэтым па тэлефоне +393454803465.-0-