Мабільная версія
ДЗЯРЖОРГАНЫ
Апошнія навіны
Усе навіны

Грамадзяне больш як з 60 краін ужо скарысталіся магчымасцю наведаць Беларусь без візы

Грамадства 04.04.2017 | 15:07

4 красавіка, Мінск /Кар. БЕЛТА/. Грамадзяне больш як з 60 краін ужо скарысталіся магчымасцю наведаць Беларусь без візы, паведаміў карэспандэнту БЕЛТА афіцыйны прадстаўнік Дзяржпагранкамітэта Беларусі Антон Бычкоўскі.

Паводле апошніх даных, у Беларусь за час дзеяння бязвізавага рэжыму прыехалі ўжо больш за 8 тыс. замежных грамадзян з 61 дзяржавы. Больш за ўсё сярод іх немцаў, палякаў, італьянцаў, грамадзян ЗША і Вялікабрытаніі. Сярод тых, хто скарыстаўся беларускім бязвізавым рэжымам, ёсць турысты з экзатычных для беларусаў краін - Аўстраліі, Новай Зеландыі, Японіі. Магчымасцю прыехаць у Беларусь без візы пачынаюць карыстацца грамадзяне Андоры, В'етнама, Інданезіі, Кувейта, Намібіі, Панамы, Перу, Сінгапура.

Як адзначыў у час прэс-канферэнцыі ў прэс-цэнтры БЕЛТА міністр спорту і турызму Аляксандр Шамко, увядзенне пяцідзённага бязвізавага рэжыму дае магчымасць разлічваць на прыкметны рост экспарту турыстычных паслуг. Па выніках 2016 года экспарт турпаслуг у Беларусі склаў $155,2 млн (102,4 працэнта да задання), у студзені 2017 года - $11,5 млн (тэмп росту 112,8 працэнта да студзеня мінулага года). Ён таксама падкрэсліў, што з увядзеннем бязвізавага рэжыму не ўзнікла ніякіх праблем па забеспячэнні бяспекі.

Пяцідзённы бязвізавы рэжым у Беларусі для грамадзян 80 краін пачаў дзейнічаць 12 лютага. Прыехаць без візы могуць грамадзяне 39 краін Еўропы, уключаючы ўвесь Еўрасаюз, а таксама Бразіліі, Інданезіі, ЗША, Японіі і іншых дзяржаў. Абавязковай умовай з'яўляецца прыбыццё праз Нацыянальны аэрапорт Мінск.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.