28 мая, Мінск /Кар. БЕЛТА/. У сувязі з пераносам рабочых дзён у ліпені рэжым работы гарадскога пасажырскага транспарту крыху зменіцца, паведамілі БЕЛТА ў ДП "Мінсктранс".
Так, 7 ліпеня рух транспарту будзе арганізаваны па графіку буднага дня.
Аўтобусы будуць курсіраваць 1, 2 і 3 ліпеня па графіку нядзель, тралейбусы таксама, за выключэннем 1 ліпеня, калі работа маршрутаў будзе ажыццяўляцца па графіку субот.
Трамваі з 1 па 3 ліпеня будуць абслугоўваць пасажыраў па графіку выхаднога дня.
Акрамя таго, 2 ліпеня ў сувязі са змяненнем рэжыму работы буйных гандлёвых прадпрыемстваў горада аўтобусныя маршруты нумароў 76Э, 83Э, 89Э, 114С, 125, 151Э адмяняюцца.-0-
