Мабільная версія
ДЗЯРЖОРГАНЫ
Апошнія навіны
Усе навіны

Грамадскі савет па пытаннях адукацыі ствараецца ў Беларусі

Грамадства 24.03.2017 | 10:32

24 сакавіка, Мінск /Кар. БЕЛТА/. Грамадска-кансультатыўны савет па пытаннях адукацыі ствараецца ў Беларусі. Такое рашэнне было прынята 23 сакавіка на пасяджэнні з удзелам зацікаўленай грамадскасці і міністра адукацыі Ігара Карпенкі, якое праходзіла ў гімназіі нумар 1 імя Ф.Скарыны ў Мінску, перадае карэспандэнт БЕЛТА.

"Патрэбны грамадскі савет, які мог бы абмяркоўваць найбольш важныя сацыяльна значныя пытанні дзяржаўнай палітыкі ў сферы адукацыі, маладзёжнай палітыкі, у галіне аховы дзяцінства, апякунства непаўналетніх", - сказаў Ігар Карпенка. Савет мог бы аналізаваць практыку прымянення нарматыўных прававых актаў і эфектыўнасць прававога рэгулявання ў названай сферы. Немалаважны момант - экспертыза грамадска значных праектаў дакументаў, распрацаваных Міністэрствам адукацыі. Асаблівае значэнне савет будзе надаваць фарміраванню пазітыўнага грамадскага меркавання сістэмы адукацыі.

У грамадскі савет увойдуць не толькі спецыялісты са сферы адукацыі і навукі, але і тыя, хто заняты ў іншых сферах дзейнасці, людзі з рознымі рангамі і рэгаліямі, медыйныя персоны - не толькі жыхары Мінска, але і прадстаўнікі рэгіёнаў. Будуць прадстаўлены як дзяржаўныя ўстановы, так і прыватныя.

Удзельнікі пасяджэння прынялі рашэнне, што ў бліжэйшы час неабходна адпрацаваць юрыдычны статус савета, арганізацыйныя моманты. Затым адбудзецца аргсход, які і зацвердзіць савет, яго кіруючы склад. Удзельнікам сходу таксама трэба прапанаваць грамадска значныя тэмы, якія, на іх думку, варта вынесці на абмеркаванне.

Ігар Карпенка паабяцаў, што Міністэрства адукацыі створыць усе неабходныя ўмовы для работы грамадска-кансультатыўнага савета па пытаннях адукацыі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.