Мабільная версія
ДЗЯРЖОРГАНЫ
Апошнія навіны
Усе навіны

ФАО адзначае высокую якасць беларускіх малочных і мясных прадуктаў

Грамадства 14.09.2017 | 14:31

14 верасня, Мінск /Кар. БЕЛТА/. Беларускія малочныя і мясныя прадукты маюць высокую якасць. Такое меркаванне выказаў сёння журналістам рэгіянальны каардынатар стратэгічных праграм Рэгіянальнага бюро ФАО (Харчовая і сельскагаспадарчая арганізацыя Аб'яднаных Нацый) па Еўропе і Цэнтральнай Азіі Раймунд Еле, адказваючы на пытанне карэспандэнта БЕЛТА.

"Калі я быў у Беларусі ў чэрвені, пераканаўся ў цудоўнай якасці малочных і мясных прадуктаў, сыру. Гэта стварае добрую базу для развіцця экспарту", - адзначыў Райманд Еле. На яго думку, у Беларусі ёсць патэнцыял і для павышэння аб'ёмаў унутранага спажывання малочных прадуктаў.

Раймунд Еле падпісаў сёння рамачную праграму супрацоўніцтва ФАО з Мінсельгасхарчам да 2020 года. Мерапрыемствы праграмы накіраваны на аказанне падтрымкі ў галіне харчовай бяспекі, ацэнкі лясных рэсурсаў, фітасанітарнага кантролю, аднаўлення дэградаваных зямель, адаптацыі да змяненняў клімату і змякчэння іх наступстваў. Прадугледжана ўмацаванне нацыянальных магчымасцей па садзейнічанні занятасці, развіцці прадпрымальніцтва і дыверсіфікацыі даходаў насельніцтва ў сельскай мясцовасці.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.