19 ліпеня, Мінск /Кар. БЕЛТА/. Еўрапейскі саюз мае намер адмяніць плату за роўмінг для краін - членаў ініцыятывы "Усходняе партнёрства", паведамляе Agenda.ge.
Як адзначаецца, плата за роўмінг была адменена ў Еўрасаюзе, і ў хуткім часе плануецца зрабіць аналагічныя захады адносна шасці краін "Усходняга партнёрства" - Беларусі, Грузіі, Украіны, Азербайджана, Арменіі і Малдовы. Канчатковы тарыф будзе вызначаны аператарамі мабільнай сувязі, але плата павінна быць нізкай і даступнай для ўсіх.
Дамоўленасць аб зніжаных тарыфах у роўмінгу можа быць дасягнута пасля 2020 года.-0-
