Мабільная версія
ДЗЯРЖОРГАНЫ
Апошнія навіны
Усе навіны

Дзесяцікласнік з Гомеля стаў самым фінансава дасведчаным школьнікам у Беларусі

Грамадства 15.12.2017 | 17:13
У час алімпіяды
У час алімпіяды

15 снежня, Мінск /Кар. БЕЛТА/. Заключны этап рэспубліканскай алімпіяды па фінансавай дасведчанасці сярод вучняў устаноў агульнай сярэдняй адукацыі прайшоў сёння ў Мінску, перадае карэспандэнт БЕЛТА.

У час алімпіяды

Пераможцам алімпіяды па фінансавай дасведчанасці ў 2017 годзе стаў Кірыл Чыгвінцаў з Гомеля. Кірыл вучыцца ў 10-м класе школы нумар 38. Самаму фінансава дасведчанаму старшакласніку Беларусі ўручаны дыплом I ступені і каштоўны прыз - планшэт. Серабро алімпіяды ў выглядзе дыплома II ступені і смартфона заваявала Алена Папруга з Рассветаўскай сярэдняй школы (Гомельская вобласць). Дыплом III ступені і фотаапарат дастаўся Юрыю Сярову, які вучыцца ў сярэдняй школе нумар 95 Мінска.

Перад пачаткам алімпіяды школьнікам пажадаў удачы намеснік старшыні праўлення Нацбанка Сяргей Калечыц. "У гэтай зале сёння сабраліся самыя адукаваныя ў фінансавым плане маладыя людзі нашай краіны, якія дастойна пераадолелі шматступеньчатую сістэму адбору і заслужана знаходзяцца ў ліку фіналістаў. Гэта ўжо само па сабе значнае дасягненне. Не сумняваюся, што фінансавыя веды спатрэбяцца вам у любым выпадку: незалежна ад будучай прафесійнай адукацыі, выбранай спецыяльнасці і роду дзейнасці яны дадуць вам магчымасць упэўнена арыентавацца ў існуючай разнастайнасці фінансавых прадуктаў і паслуг, прымаць усвядомленыя фінансавыя рашэнні і разумна распараджацца ўласным бюджэтам. А гэта дасць вам магчымасць упэўнена адчуваць сябе ў дарослым свеце і з поспехам клапаціцца аб дабрабыце сваіх сем'яў", - падкрэсліў ён.

Сяргей Калечыц

У бягучым годзе ў алімпіядзе прыняла ўдзел рэкордная колькасць школьнікаў - амаль 32 тыс. Пашырыць кола ўключаных у мерапрыемства вучняў дапамагло ўвядзенне дадатковага пачатковага этапу, да якога далучыліся больш за 2,3 тыс. школ, або тры чвэрці дзеючых у Беларусі ўстаноў агульнай сярэдняй адукацыі. Раней алімпіяда праводзіліся ў тры этапы: раённы (гарадскі), абласны (Мінскі гарадскі) і рэспубліканскі. Колькасць удзельнікаў у 2016 годзе склала амаль 5 тыс.

Удзельнік алімпіяды Андрэй Нявера

Удзельнік алімпіяды Аляксандр Кулакоўскі

Удзельніца алімпіяды Аліна Вайшнаровіч

Удзельнік алімпіяды Яўген Петушкоў

Рэспубліканская алімпіяда па фінансавай дасведчанасці сярод вучняў 10-11-х класаў устаноў агульнай сярэдняй адукацыі праводзіцца Нацыянальным банкам і Міністэрствам адукацыі з 2014 года. Алімпіяда з'яўляецца адным з найбольш маштабных нацыянальных мерапрыемстваў па павышэнні фінансавай дасведчанасці. Асноўная яе мэта - папулярызацыя ведаў у галіне фінансаў, фарміраванне ў вучняў практычных навыкаў выкарыстання фінансавых інструментаў, развіццё новых форм прафарыентацыйнай работы.-0-

Фота Ягора Паўлюшчыка

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Вынікі "Тыдня лесу - 2018" "Тыдзень лесу - 2018" быў прымеркаваны да Года малой радзімы і прысвечаны аднаўленню лясоў, што пацярпелі ад масавага распаўсюджвання насякомых-шкоднікаў у 2017 годзе.