11 снежня, Мінск /Кар. БЕЛТА/. Дождж з мокрым снегам і парывісты вецер чакаюцца ў Беларусі 12 снежня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна з праясненнямі. У асобных раёнах пройдуць кароткачасовыя ападкі (дождж, ноччу з мокрым снегам). Ноччу і раніцай чакаецца слабы галалёд. На асобных участках дарог магчыма галалёдзіца. Вецер прагназуецца заходні 5-10 м/с, з парывамі да 14 м/с, па захадзе месцамі магчымы парывы да 15-18 м/с.
Тэмпература паветра ноччу складзе ад мінус 4 да плюс 2, днём - 2-8 градусаў цяпла. Па паўднёвым захадзе ноччу будзе на 3-5 градусаў вышэй за нуль, днём - 9-11 градусаў цяпла.-0-
