Мабільная версія
ДЗЯРЖОРГАНЫ
Апошнія навіны
Усе навіны

Дні беларускай навукі, інавацый, інвестыцый пройдуць 5-6 ліпеня ў Астане на пляцоўцы "ЭКСПА-2017"

Грамадства 22.06.2017 | 12:36

22 чэрвеня, Мінск /Кар. БЕЛТА/. Дні беларускай навукі, інавацый, інвестыцый пройдуць 5-6 ліпеня ў Астане на Міжнароднай спецыялізаванай выстаўцы "ЭКСПА-2017". Такая інфармацыя размешчана на сайце Нацыянальнай акадэміі навук Беларусі, паведамляе БЕЛТА.

Вядучыя спецыялісты і вучоныя арганізацый НАН Беларусі 5-6 ліпеня прадставяць 8 дакладаў па напрамках дзейнасці НАН, адпаведных тэматыцы выстаўкі "ЭКСПА-2017" - "Энергія будучага". У падрыхтоўчы перыяд арганізацыі НАН праводзяць папярэднюю работу па запрашэнні патэнцыяльных партнёраў з Казахстана і іншых краін для ўдзелу ў Днях беларускай навукі, інавацый, інвестыцый.

Мэта правядзення гэтага мерапрыемства - прэзентацыя перспектыўных напрамкаў навуковых даследаванняў Беларусі, абмен вопытам і правядзенне перагавораў паміж дзеючымі і патэнцыяльнымі партнёрамі з Беларусі і Казахстана для сумеснага вырашэння навукова-тэхналагічных задач і камерцыялізацыі інавацыйных распрацовак. Абмеркаванне будзе датычыцца такіх навуковых сфер, як развіццё энергетыкі будучага, выкарыстанне аднаўляльных крыніц энергіі, зялёная эканоміка, ахова навакольнага асяроддзя, экалогія чалавека, патэнцыял медыцынскай навукі, экалагічная сельская гаспадарка, новыя матэрыялы і тэхналогіі, прагрэсіўныя тэхналогіі пошуку вуглевадароднай сыравіны.

У Днях беларускай навукі, інавацый, інвестыцый прымуць удзел 7 арганізацый НАН Беларусі: НПЦ па матэрыялазнаўстве, НПЦ па механізацыі сельскай гаспадаркі, НПЦ па біярэсурсах, Інстытут цепла- і масаабмену, Аб'яднаны інстытут праблем інфарматыкі, Цэнтр сістэмнага аналізу і стратэгічных даследаванняў, Фізіка-тэхнічны інстытут.

Міжнародная спецыялізаваная выстаўка "ЭКСПА-2017" праходзіць у Астане (Казахстан) з 10 чэрвеня па 10 верасня. Асноўная мэта "ЭКСПА-2017" - інфармаванне аб неабходнасці стварэння палітыкі і рашэнняў, накіраваных на развіццё ўстойлівай энергетыкі з мэтай забеспячэння аптымальнай мадэлі энергетычнага будучага планеты. Развіццё тэмы ажыццяўляецца з дапамогай трох падтэм: зніжэнне выкідаў вуглякіслага газу, энергаэфектыўны лад жыцця, энергія для ўсіх. Уся экспазіцыя аб'яднана адзінай стратэгічнай задачай дэманстрацыі наведвальнікам неабходнасці іх актыўнага ўдзелу ў распрацоўцы і ажыццяўленні плана энергазберагальнай вытворчасці і эфектыўнага выкарыстання энергетычных рэсурсаў. Пры фарміраванні Нацыянальнай экспазіцыі Беларусі на "ЭКСПА-2017" выкарыстоўвалася інфармацыя па 54 распрацоўках НАН у галіне энергетыкі, экалогіі і энергазберажэння.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.