Скрыншот відэа ДМК
16 ліпеня, Мінск /Кар. БЕЛТА/. Беларуская мытня прымае ўсе магчымыя меры па скарачэнні часу праходжання граніцы, паведамілі БЕЛТА ў прэс-службе ДМК.
"Беларуская мытня прымае ўсе магчымыя меры па скарачэнні часу праходжання граніцы ва ўмовах наўмыснай нерытмічнай работы кантралюючых службаў сумежных краін. Разам з тым асобныя грамадзяне, асабліва з краін-суседак, якія спрабуюць спецыяльна дэстабілізаваць абстаноўку, актыўна звяртаюцца да выкарыстання тэлеграм-чатаў, у якіх наўмысна абвастраюць абстаноўку на прыдуманых фактах", - адзначылі ў ДМК.
Так, грамадзянін Літвы ўказаў на сутачнае знаходжанне ў пункце пропуску "Каменны Лог" з-за маруднай работы мытнікаў, а сам за апошнія два месяцы ні разу праз яго і не перамяшчаўся.
"У названы перыяд на яго рахунку аднаразовае перасячэнне граніцы праз пункт пропуску "Беняконі", што заняло з улікам праходжання ўсіх відаў кантролю і запаўнення на месцы пасажырскай дэкларацыі крыху больш за адну гадзіну", - растлумачылі ў ДМК.
У цэлым сярэдні час праходжання ўсіх відаў кантролю ў пункце пропуску "Каменны Лог" на ўезд у краіну складае для легкавых аўтамабіляў да 2,5 гадзіны, за выключэннем выпадкаў выяўлення прыкмет парушэння заканадаўства. Рух па зялёным калідоры займае ўсяго 15-20 мінут.
"Сёння беларускія мытнікі нясуць службу ва ўзмоцненым рэжыме з улікам нарастаючых пагроз на знешніх граніцах для недапушчэння ўвозу тавараў, якія могуць нанесці шкоду жыццю і здароўю грамадзян. Штодзень спыняюцца спробы ўвозу забароненых да перамяшчэння рэчываў і іншыя парушэнні мытнага заканадаўства", - адзначылі ў ДМК.
Толькі за апошнія два месяцы спынены ўвоз вялікіх партый гашышу - каля 100 кг у пункце пропуску "Каменны Лог" і 50 кг у пункце пропуску "Брэст". Вясной гэтага года было выяўлена больш за паўтоны асабліва небяспечнай узрыўчаткі, схаванай ад мытнага кантролю.
Як дадалі ў прэс-службе, Дзяржаўны мытны камітэт гатовы разабрацца ў любой сітуацыі, якая выклікала пытанні пры перасячэнні граніцы. Грамадзянам прапануюць накіроўваць афіцыйныя звароты праз платформу "Обращения.бел".-0-
"Беларуская мытня прымае ўсе магчымыя меры па скарачэнні часу праходжання граніцы ва ўмовах наўмыснай нерытмічнай работы кантралюючых службаў сумежных краін. Разам з тым асобныя грамадзяне, асабліва з краін-суседак, якія спрабуюць спецыяльна дэстабілізаваць абстаноўку, актыўна звяртаюцца да выкарыстання тэлеграм-чатаў, у якіх наўмысна абвастраюць абстаноўку на прыдуманых фактах", - адзначылі ў ДМК.
Так, грамадзянін Літвы ўказаў на сутачнае знаходжанне ў пункце пропуску "Каменны Лог" з-за маруднай работы мытнікаў, а сам за апошнія два месяцы ні разу праз яго і не перамяшчаўся.
"У названы перыяд на яго рахунку аднаразовае перасячэнне граніцы праз пункт пропуску "Беняконі", што заняло з улікам праходжання ўсіх відаў кантролю і запаўнення на месцы пасажырскай дэкларацыі крыху больш за адну гадзіну", - растлумачылі ў ДМК.
У цэлым сярэдні час праходжання ўсіх відаў кантролю ў пункце пропуску "Каменны Лог" на ўезд у краіну складае для легкавых аўтамабіляў да 2,5 гадзіны, за выключэннем выпадкаў выяўлення прыкмет парушэння заканадаўства. Рух па зялёным калідоры займае ўсяго 15-20 мінут.
"Сёння беларускія мытнікі нясуць службу ва ўзмоцненым рэжыме з улікам нарастаючых пагроз на знешніх граніцах для недапушчэння ўвозу тавараў, якія могуць нанесці шкоду жыццю і здароўю грамадзян. Штодзень спыняюцца спробы ўвозу забароненых да перамяшчэння рэчываў і іншыя парушэнні мытнага заканадаўства", - адзначылі ў ДМК.
Толькі за апошнія два месяцы спынены ўвоз вялікіх партый гашышу - каля 100 кг у пункце пропуску "Каменны Лог" і 50 кг у пункце пропуску "Брэст". Вясной гэтага года было выяўлена больш за паўтоны асабліва небяспечнай узрыўчаткі, схаванай ад мытнага кантролю.
Як дадалі ў прэс-службе, Дзяржаўны мытны камітэт гатовы разабрацца ў любой сітуацыі, якая выклікала пытанні пры перасячэнні граніцы. Грамадзянам прапануюць накіроўваць афіцыйныя звароты праз платформу "Обращения.бел".-0-
Падпісвайцеся на нас у
