23 ліпеня, Мінск /Кар. БЕЛТА/. Дзяржаўны мытны камітэт адзначае павелічэнне ў першым паўгоддзі бягучага года транспартнага патоку праз граніцу Беларусі, паведамілі БЕЛТА ў ДМК.
"Колькасць афармляемых мытняй фізічных асоб і транспарту няўхільна расце. Штосутачны паток сёння складае амаль 64 тыс. чалавек, каля 6 тыс. грузавікоў, прыкладна 16 тыс. легкавых аўтамабіляў. Перамяшчэнне легкавых аўтамабіляў у параўнанні з першым паўгоддзем 2017 года ўзрасло на 4 тыс. у суткі", - расказалі ў ведамстве.
Падкрэсліваецца таксама, што своечасова афармляць транспартныя сродкі дае магчымасць пастаяннае ўкараненне мытнымі органамі інавацый. Размова ідзе аб інфарматызацыі і аўтаматызацыі мытных працэсаў: у мытных органах укаранёны электронны дакументаабарот, актыўна прымяняецца аўтаматычны выпуск тавараў і транспартных сродкаў.
Акрамя таго, беларуская мытня дасягнула істотных вынікаў у рэалізацыі праектаў міжнароднай тэхнічнай дапамогі па паляпшэнні інфраструктуры пунктаў пропуску, што дазваляе афармляць больш транспартных сродкаў, стварае спрыяльныя ўмовы для транзітнай прывабнасці Беларусі.-0-