17 мая, Мінск /Кар. БЕЛТА/. Дэпутаты Палаты прадстаўнікоў сёння на пасяджэнні прынялі да ведама дэкрэт нумар 1 аб садзейнічанні занятасці, перадае карэспандэнт БЕЛТА.
Дакумент дэпутатам прадставіла міністр працы і сацыяльнай абароны Ірына Касцевіч. Яна таксама адказала на пытанні парламентарыяў.
У размове з журналістамі міністр падкрэсліла, што дэкрэт прызначаны ў першую чаргу актывізаваць рынак працы, садзейнічаць працаўладкаванню ўсіх жадаючых. Для гэтага ствараюцца спецыяльныя камісіі. Яны, як растлумачыла Ірына Касцевіч, будуць прапаноўваць непрацуючым паслугі па працаўладкаванні. У склад камісій уключаюцца дэпутаты ўсіх узроўняў, спецыялісты мясцовых органаў улады, а таксама прадстаўнікі грамадскіх аб'яднанняў. Мінпрацы і сацабароны праводзіць для іх выязныя семінары, вывучае ўзнікаючыя перад імі пытанні і прапановы наконт пераліку цяжкіх жыццёвых сітуацый, з-за якіх людзі зведваюць праблемы з працаўладкаваннем. Для камісій распрацуюць спецыяльныя памяткі, якія будуць удасканальвацца па меры назапашвання вопыту.
Акрамя таго, сёння на пасяджэнні былі прыняты ў першым чытанні папраўкі ў некаторыя законы па пытаннях прававога рэгулявання жыллёвых адносін, у другім - законапраект аб унясенні змяненняў і дапаўненняў у закон аб абароне правоў спажыўцоў. Дэпутаты ратыфікавалі таксама шэраг міжнародных дакументаў.-0-