21 мая, Мінск /Кар. БЕЛТА/. Дажджы і навальніцы чакаюцца ў Беларусі 22 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна з праясненнямі. Уначы ў асобных раёнах пройдуць невялікія дажджы, удзень на большай частцы тэрыторыі - кароткачасовыя дажджы, месцамі прагназуюцца навальніцы. Вецер будзе ўсходні, паўднёва-ўсходні 3-8 м/с, пры навальніцах з парывамі да 14 м/с.
Тэмпература паветра ўначы складзе 6-12 градусаў вышэй за нуль, у асобных раёнах - плюс 3-5 градусаў. Удзень будзе 15-21 градус цяпла, па поўдні краіны - да плюс 23 градусаў.-0-
