Сцяг Чацвер, 28 сакавіка 2024
Усе навіны
Усе навіны
Грамадства
06 лістапада 2019, 11:24

Дажджы і да 15 градусаў цяпла чакаецца ў Беларусі ў гэтыя выхадныя

6 лістапада, Мінск /Кар. БЕЛТА/. Дажджы і да 15 градусаў цяпла чакаецца ў Беларусі ў вялікія выхадныя, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"На гэтым тыдні ў Беларусі ўстанавілася анамальна цёплае надвор'е. У вялікія выхадныя тэмпература паветра таксама буде вышэйшая за кліматычную норму", - сказалі ў Белгідрамеце.

У чацвер, 7 лістапада, месцамі пройдуць кароткачасовыя дажджы, ноччу і раніцай па поўначы краіны магчымы мокры снег. У начны і ранішні час у асобных раёнах чакаецца слабы туман. Тэмпература паветра ноччу будзе 2-8 градусаў вышэй за нуль, днём - 7-13 градусаў цяпла.

У пятніцу, 8 лістапада, у начны і ранішні час месцамі ў паўднёвых і цэнтральных раёнах краіны пройдуць кароткачасовыя дажджы, днём будзе пераважна без ападкаў. Ноччу і раніцай чакаецца слабы туман. Тэмпература паветра ноччу складзе 1-7 градусаў цяпла, пры праясненнях - да мінус 2 градусаў. Днём будзе 7-13 градусаў цяпла.

У суботу, 9 лістапада, на большай частцы тэрыторыі краіны пройдуць кароткачасовыя дажджы. Тэмпература паветра ноччу складзе 1-7 градусаў вышэй за нуль, па паўночным усходзе пры праясненнях - да мінус 2, па поўдні будзе плюс 8-9 градусаў. Днём чакаецца 6-12 градусаў цяпла, у паўднёвых раёнах - плюс 13-15 градусаў.

У нядзелю, 10 лістапада, месцамі па краіне пройдуць кароткачасовыя дажджы. Ноччу і раніцай у асобных раёнах згусціцца туман. Тэмпература паветра ноччу складзе 4-11 градусаў вышэй за нуль, днём - 9-15 градусаў цяпла.

У панядзелак, 11 лістапада, ноччу месцамі, днём на большай частцы тэрыторыі краіны пройдуць кароткачасовыя дажджы. Ноччу і раніцай у асобных раёнах чакаецца туман. Тэмпература паветра ноччу складзе 4-11 градусаў вышэй за нуль. Днём будзе 5-12 градусаў цяпла, па паўднёвым усходзе - да плюс 14 градусаў.-0-

Падпісвайцеся на нас у
Twitter
Топ-навіны
Свежыя навіны Беларусі