22 жніўня, Мінск /Кар. БЕЛТА/. Дзяржаўтаінспекцыя 25-27 жніўня ўзмоцнена адпрацуе трасу М1. Аб гэтым сёння паведаміла журналістам старшы інспектар па асаблівых даручэннях УДАІ МУС Ганна Банадык, перадае карэспандэнт БЕЛТА.
Як расказала прадстаўнік Дзяржаўтаінспекцыі, масіраваная адпрацоўка запланавана на ўсім працягу аўтадарогі М1. Асаблівая ўвага будзе ўдзяляцца бяспечнай перавозцы дзяцей. Інспектары правераць, ці выкарыстоўваюцца для гэтага спецыяльныя ўтрымліваючыя ўстройствы. Адпрацоўка прадоўжыцца да позняга вечара 27 жніўня.-0-
