15 лістапада, Мінск /Кар. БЕЛТА/. Да плюс 7 градусаў чакаецца ў Беларусі 16 лістапада, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Ноччу і раніцай пройдуць невялікія ападкі, у асноўным дождж. Днём без істотных ападкаў. Ноччу і раніцай у некаторых раёнах чакаецца слабы туман. Вецер прагназуецца заходні 5-10 м/с.
Тэмпература паветра ноччу складзе ад мінус 1 да плюс 4 градусаў. Днём - ад плюс 2 да 7 градусаў.-0-