11 верасня, Мінск /Кар. БЕЛТА/. Да 26 градусаў цяпла і ў асноўным без ападкаў будзе ў Беларусі 12 верасня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер чакаецца пераменная воблачнасць, уначы і раніцай месцамі слабы туман. Вецер прагназуецца паўднёвы, паўднёва-заходні 4-9 м/с.
Тэмпература паветра ноччу складзе 10-15 градусаў вышэй за нуль, месцамі - плюс 7-9. Днём будзе 20-26 градусаў цяпла.-0-
