10 кастрычніка, Мінск /Кар. БЕЛТА/. Да 15 градусаў цяпла чакаецца ў Беларусі ў пятніцу, 11 кастрычніка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Паводле інфармацыі сіноптыкаў, у бліжэйшыя суткі будзе воблачна з праясненнямі. Уначы на значнай частцы тэрыторыі, удзень у асобных раёнах пройдуць невялікія кароткачасовыя дажджы. Уначы і раніцай месцамі прагназуецца слабы туман. Вецер будзе заходні, паўднёва-заходні 5-10 м/с.
Тэмпература паветра ўначы складзе 4-9 градусаў цяпла, удзень будзе плюс 9-15 градусаў.-0-
