19 кастрычніка, Мінск /Кар. БЕЛТА/. Да 15 градусаў цяпла чакаецца па паўднёвым захадзе Беларусі 20 кастрычніка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе воблачна з праясненнямі і пераважна без ападкаў. Ноччу і раніцай у асобных раёнах чакаецца туман. Вецер прагназуецца паўночна-ўсходні, усходні, ноччу слабы, днём 3-8 м/с.
Тэмпература паветра ноччу складзе ад нуля да плюс 6, днём - 7-12 градусаў цяпла. Па паўднёвым захадзе ноччу будзе 7-9 градусаў вышэй за нуль, днём - плюс 13-15.-0-
