Мабільная версія
ДЗЯРЖОРГАНЫ
Апошнія навіны
Усе навіны

Чаканая працягласць жыцця беларусаў у 2017 годзе перасягне 74 гады

Грамадства 17.05.2017 | 18:16
Фота з архіва
Фота з архіва

17 мая, Мінск /Кар. БЕЛТА/. Чаканая працягласць жыцця беларусаў у 2017 годзе перасягне 74 гады, заявіў журналістам міністр аховы здароўя Валерый Малашка, перадае карэспандэнт БЕЛТА.

"Адзначаюцца станоўчыя тэндэнцыі ў развіцці дэмаграфічных працэсаў. Па выніках 2017 года чаканая працягласць жыцця насельніцтва Беларусі перасягне 74 гады. Тэндэнцыі першага квартала дазваляюць аб гэтым заяўляць", - сказаў Валерый Малашка.

Ён адзначыў, што поспехі аховы здароўя відавочныя: развіваюцца медыцынскія тэхналогіі, сістэма аховы здароўя насельніцтва. Рэалізуецца дзяржпраграма "Здароўе народа і дэмаграфічная бяспека", у якую ўключаны падпраграмы па прафілактыцы асноўных сацыяльна-значных захворванняў.

У той жа час, паводле слоў міністра, пэўную заклапочанасць выклікае распаўсюджанасць неінфекцыйных захворванняў, у тым ліку сардэчна-сасудзістых і анкалагічных. Менавіта апошнія з'яўляюцца асноўнымі прычынамі непрацаздольнасці і смяротнасці насельніцтва. Прычына таго відавочная - па-ранейшаму сярод насельніцтва распаўсюджаны фактары рызыкі, звязаныя з паводзінамі: курэнне, нерацыянальнае харчаванне, недастатковая фізічная актыўнасць, спажыванне алкаголю.

"На сёння ў краіне дзевяць з дзесяці чалавек маюць ад адной да пяці асноўных шкодных у дачыненні да свайго здароўя прывычак. Напрыклад, кожны другі церпіць ад праблем са здароўем, звязаных з лішняй масай цела. Высокая ўдзельная вага курцоў - амаль 30 працэнтаў", - сказаў Валерый Малашка. Ён дадаў, што для паляпшэння сітуацыі неабходна ў тым ліку ўдзяляць увагу інфармацыйнаму напаўненню электронных рэсурсаў, якія матывавалі б на здаровы лад жыцця.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.