27 ліпеня, Мінск /Кар. БЕЛТА/. Уле-Эйнар Б'ёрндален і Дар'я Домрачава наведалі БелАЗ у Жодзіне. Падрабязнасці экскурсіі для зорнай пары расказалі БЕЛТА на прадпрыемстве.
Домрачава і Б'ёрндален агледзелі тэхніку на дэманстрацыйнай пляцоўцы, прайшліся з экскурсіяй па вытворчасці звышцяжкіх машын, дзе нараджаюцца БелАЗы. Адметнасцю іх знаходжання на заводзе стала паездка на 450-тонным самазвале па заводскім палігоне. "Прычым самыя пачэсныя госці, а Домрачава і Б'ёрндален, безумоўна, з'яўляюцца такімі, атрымліваюць магчымасць яшчэ і сесці за руль такой сур'ёзнай машыны і кіраваць ёю, каб адчуць яе моц, адчуць сябе капітанам гэтага сухапутнага карабля", - адзначылі на прадпрыемстве.
"Цікава было на свае вочы ўбачыць тое, што да гэтага часу бачыў толькі па тэлевізары, - сказаў Уле-Эйнар Б'ёрндален, спусціўшыся з палубы 450-тонніка. - Самазвалы ўражваюць, як уражвае і тое, як вырабляюцца гэтыя цудоўныя машыны. Беларусь можа імі ганарыцца. Вядома ж, новым для мяне быў вопыт ваджэння такой велізарнай машыны".-0-
Фота з сайта прадпрыемства
