Мабільная версія
ДЗЯРЖОРГАНЫ
Апошнія навіны
ІНФАГРАФІКА: Холдынг "Купалаўскае"
22 чэрвеня 2018 Стужка навiн
Усе навіны

Белстат сфарміраваў дарожную карту па маніторынгу дасягнення МУР

Грамадства 16.02.2018 | 19:55

16 лютага, Мінск /Кар. БЕЛТА/. Дарожная карта па маніторынгу дасягнення Мэт устойлівага развіцця створана ў Беларусі, паведамілі БЕЛТА ў прэс-службе Нацыянальнага статыстычнага камітэта.

Гэта стратэгічны дакумент, які складаецца з 6 асноўных раздзелаў, што прадугледжваюць стварэнне механізмаў для супрацоўніцтва, прадстаўленне справаздачнасці па паказчыках МУР, нарошчванне патэнцыялу і распаўсюджванне статыстыкі па Мэтах устойлівага развіцця. У бліжэйшы час дарожная карта будзе размешчана на сайце Белстата.

З 1 студзеня 2016 года Белстат актыўна падключыўся да глабальнай статыстычнай работы - арганізацыі маніторынгу Мэт устойлівага развіцця Беларусі. У цесным супрацоўніцтве з рознымі ведамствамі сфарміравана нацыянальная сістэма паказчыкаў для маніторынгу дасягнення МУР. Гэты пералік уключае 255 паказчыкаў, прызнаных актуальнымі для Беларусі, з іх 131 адпавядае глабальнаму пераліку МУР, яшчэ 94 паказчыкі заменены або дапоўнены ўскоснымі (так званымі проксі).

Выканаўцамі даных па паказчыках МУР вызначаны 26 дзяржаўных органаў і арганізацый, а ключавым з'яўляецца сам Белстат. Іх агульная задача - вызначыць парогавыя значэнні мэтавых паказчыкаў для краіны і распрацоўваць новыя дзяржаўныя праграмы, стратэгіі і планы, актуалізаваць дзеючыя праграмы з улікам глабальных мэт і індыкатараў.

Белстат ушчыльную падышоў да стварэння нацыянальнай платформы па прадстаўленні справаздачнасці па МУР. Яна стане асноўным інструментам для маніторынгу і распаўсюджвання даных аб індыкатарах МУР: будзе забяспечваць збор даных, іх кантроль, захоўванне і абарону інфармацыі, распаўсюджванне даных і метаданых. Нацыянальную платформу запусцяць у канцы 2018 года.

Азнаёміцца з нацыянальным пералікам паказчыкаў МУР, які сфарміраваны на бягучы момант (пакуль больш за трэць паказчыкаў глабальнага ўзроўню не маюць міжнароднай метадалогіі разліку), можна на рускай і англійскай мовах на сайце Белстата ў спецыяльным тэматычным раздзеле. Інфармацыя ў пераліку пастаянна абнаўляецца. Распрацоўкай метаданых займаецца створаная на 46-й сесіі Статыстычнай камісіі ААН Міжустаноўская экспертная група па паказчыках МУР. З ліпеня 2017 года Беларусь увайшла ў склад гэтай групы і разам з Расіяй прадстаўляе рэгіён Усходняй Еўропы.

Кожны грамадзянін можа паўдзельнічаць у абмеркаванні пытанняў устойлівага развіцця і ўнесці прапановы па паказчыках нацыянальнага пераліку на сайце Белстата, для гэтага арганізавана зваротная сувязь.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Холдынг "Купалаўскае" Холдынг створаны на падставе ўказа №232 ад 29 чэрвеня 2017 года "Аб стварэнні гаспадарчага таварыства".