Мабільная версія
ДЗЯРЖОРГАНЫ
Апошнія навіны
Усе навіны

"Белнафтахім" расказаў аб новым механізме змянення цэн на аўтамабільнае паліва

Грамадства 12.03.2018 | 09:08

12 сакавіка, Мінск /Кар. БЕЛТА/. У Беларусі вызначаны новы механізм змянення цэн на аўтамабільнае паліва, паведамілі карэспандэнту БЕЛТА ў канцэрне "Белнафтахім".

Як растлумачылі ў канцэрне, гэты механізм змянення цэн на аўтамабільнае паліва на ўнутраным рынку краіны выпрацаваны "Белнафтахімам" з удзелам органаў дзяржкіравання і па ўзгадненні з урадам "у мэтах удасканалення механізма цэнаўтварэння на нафтапрадукты".

"Названым механізмам у залежнасці ад змянення сітуацыі на нафтавым рынку прадугледжваецца магчымасць карэкціроўкі цэн на нафтапрадукты як у бок іх павелічэння, так і зніжэння", - адзначылі ў "Белнафтахіме".

Пры гэтым прадугледжваецца паступовы выхад на ўзровень цэн, супастаўны з дзеючым на расійскім рынку. У далейшым цэны будуць карэкціравацца ў адпаведнасці са змяненнямі сусветных цэн на нафту, курса нацыянальнай валюты і падатковай нагрузкі на нафтаперапрацоўчыя заводы.

У рамках новага падыходу з 10 сакавіка ўстанаўліваюцца наступныя цэны на аўтамабільнае паліва: АІ-92-К5 - Br1,22; АІ-95-К5 - Br1,30; АІ-98-К5 - Br1,51; ДП - 1,33; ДП, клас 2 - 1,48. Такім чынам, бензін падаражэў на 1 капейку, дызельнае паліва - на 2 капейкі.

У канцэрне праінфармавалі, што сярэдняя цана за студзень - люты 2018 года на нафту маркі Urals павялічылася на 23,8 працэнта ў параўнанні з аналагічным перыядам мінулага года і склала $65,99 за бараль. Цяпер рознічныя цэны на маторнае паліва ў сумежных рэгіёнах Расіі вышэйшыя за беларускія па бензінах на 7-10 працэнтаў, па дызельным паліве - на 6-8 працэнтаў. Цэны на ўкраінскім рынку ў 1,5 раза вышэйшыя, чым у Беларусі, на рынку краін Балтыі і Польшчы - у 2 разы вышэйшыя за беларускія.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Рукзак школьніка Вучнёўскія партфелі вырабляюцца з матэрыялаў кантрасных колераў. На пярэдніх, бакавых паверхнях і верхнім клапане павінны быць размешчаны святловяртальныя элементы.