1 снежня, Мінск /Кар. БЕЛТА/. Авіякампанія "Белавія" з 1 па 15 снежня па 15 рэгулярных напрамках знізіць тарыфы на 30 працэнтаў, паведамілі БЕЛТА ў прэс-службе перавозчыка.
"На працягу 15 дзён, з 1 па 15 снежня, беларускі перавозчык прапануе пасажырам спецыяльныя тарыфы на пералёты туды-назад па 15 напрамках", - адзначылі ў "Белавія". У прыватнасці, размова ідзе аб рэйсах у/з Амстэрдама, Берліна, Франкфурта, Мілана, Прагі, Рыма, Сочы і іншых.
Кошт білета па акцыі складзе 199 еўра (уключаючы таксы і зборы).
Зніжэнне тарыфаў па акцыі ў сярэднім складае больш за 30 працэнтаў. Перыяд падарожжа па акцыйных білетах - з 11 студзеня па 31 сакавіка 2016 года.-0-
