23 красавіка, Мінск /Кар. БЕЛТА/. РУП "Белпошта" арганізуе святочныя мерапрыемствы да Дня Перамогі і прапануе бясплатна адправіць паштоўку ветэранам да 9 Мая, паведамілі БЕЛТА ў прэс-службе кампаніі.
Промамерапрыемства "Адпраўце вестку ветэрану Вялікай Айчыннай вайны" пройдзе 4 мая ў аддзяленнях паштовай сувязі Мінска і абласцей. Кожны зможа падпісаць паштовыя карткі ў адрас ветэранаў і павіншаваць са святам, супрацоўнікі "Белпошты" даставяць іх бясплатна.
9 мая з 9.00 да 18.00 адправіць вестку ветэрану Вялікай Айчыннай вайны можна будзе на тэрыторыі мемарыяльнага комплексу "Брэсцкая крэпасць-герой", дзе пройдуць святочныя мерапрыемствы да Дня Перамогі. Паштовую і сувенірную прадукцыю можна набыць у гандлёвым павільёне Брэсцкага філіяла "Белпошты".
Падпісаць маляўнічыя паштовыя карткі са словамі ўдзячнасці ў адрас ветэранаў з 3 па 5 мая змогуць і наведвальнікі стэнда "Белпошта" ў час XXII Міжнароднай спецыялізаванай выстаўкі "СМІ ў Беларусі".-0-