18 студзеня, Мінск /Кар. БЕЛТА/. РУП "Белпошта" правядзе 20 студзеня акцыю да Дня ручнога пісьма, паведамілі БЕЛТА на прадпрыемстве.
У гэты дзень у аддзяленнях паштовай сувязі, што ўдзельнічаюць у прома-акцыі, "Белпошта" будзе дарыць паштовыя карткі, якія можна падпісаць і бясплатна адправіць да 14 лютага 2017 года.
У Мінску акцыя будзе праходзіць на паштамце (пр. Незалежнасці, 10) з 14.00 да 15.00 і ў аддзяленні паштовай сувязі нумар 15 (вул. Я.Маўра, 33а) з 14.00 да 16.00.
Дзень ручнога пісьма адзначаецца ў свеце 23 студзеня. Свята было заснавана, каб нагадаць пра ўнікальнасць ручнога пісьма і почырку кожнага чалавека, падкрэсліць, што нават пры сучасных тэхналогіях рукапіснае пісьмо не страчвае сваёй значнасці.-0-
