24 ліпеня, Мінск /Кар. БЕЛТА/. Беларуская зборная школьнікаў заваявала пяць медалёў на міжнароднай алімпіядзе па фізіцы, якая прайшла ў Інданезіі з 16 па 24 ліпеня. Такая інфармацыя размешчана на сайце Міністэрства адукацыі Беларусі, паведамляе БЕЛТА.
У скарбонцы беларускіх школьнікаў два сярэбраныя і тры бронзавыя медалі.
Серабро атрымалі выпускнік ліцэя нумар 1 імя Пушкіна г. Брэста Мікіта Ігнацюк і выпускнік сталічнай гімназіі нумар 10 Яўген Шарамед.
Бронзавымі прызёрамі сталі выпускнік ліцэя нумар 1 імя Пушкіна г. Брэста Павел Курач, выпускнік ліцэя БДУ Мікіта Стрыжак і выпускнік Магілёўскага дзяржаўнага абласнога ліцэя нумар 3 Валянцін Дарафееў.
Кіраўнікамі каманды з'яўляюцца выкладчыкі БДУ і ліцэя БДУ Анатоль Слабадзянюк і Леанід Марковіч.-0-