Мабільная версія
ДЗЯРЖОРГАНЫ
Апошнія навіны
Усе навіны

Беларускія мытнікі занялі трэцяе месца ў першынстве кіналагічных структур краін СНД

Грамадства 13.10.2017 | 16:04
Фота ДМК
Фота ДМК

13 кастрычніка, Мінск /Кар. БЕЛТА/. Каманда Дзяржаўнага мытнага камітэта Беларусі заняла ў агульным заліку трэцяе месца ў VII спаборніцтвах па мнагабор'і на першынстве кіналагічных структур мытных службаў дзяржаў - удзельніц СНД са службовымі сабакамі, паведамілі БЕЛТА ў ДМК.

Міжнародныя спаборніцтвы адбыліся ў Нацыянальным кіналагічным цэнтры Дзяржаўнага мытнага камітэта Узбекістана ў Ташкенце. Прадстаўнікі кіналагічных структур мытных службаў шасці краін спаборнічалі ў майстэрстве і навыках работы са службовымі сабакамі. Пераможцам стала каманда з Узбекістана, на другім месцы - ФМС Расійскай Федэрацыі.

Беларускую каманду прадстаўлялі Дзмітрый Байдалаў (Гомельская мытня) разам з вельштэр'ерам Дэйзі і Віталь Ізабэла (Гродзенская рэгіянальная мытня) з лабрадорам Шэрай. Дастойна праявіўшы сябе ў пошуку наркатычных сродкаў, псіхатропных рэчываў і іх прэкурсораў у грузавым і легкавым транспартных сродках, памяшканні і ручной паклажы, беларусы набралі 791 ачко, уступіўшы другому месцу толькі 7 балаў.

Акрамя ўдзелу ў першынстве мытнікі краін СНД абмяняліся вопытам па ўкараненні ў дзейнасць сучасных методык падрыхтоўкі службовых сабак для пошуку забароненых або абмежаваных да перамяшчэння праз мытную граніцу рэчываў.

"Правядзенне такіх мерапрыемстваў станоўча ўплывае на выкананне пастаўленых перад кінолагамі задач, павышае эфектыўнасць работы ў барацьбе з мытнымі правапарушэннямі", - адзначылі ў ДМК.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусы аб сямейных ролях Інстытутам сацыялогіі НАН Беларусі ў чэрвені праведзены рэспубліканскі маніторынг грамадскага меркавання, у якім прынялі ўдзел 2 094 рэспандэнты. Даследаванне паказала, што ў жыхароў краіны прэваліруюць традыцыйныя погляды на сямейныя ролі.