Мабільная версія
ДЗЯРЖОРГАНЫ
Апошнія навіны
Усе навіны

Беларусаў будуць рэгулярна інфармаваць аб бяспецы і якасці пітной вады

Грамадства 10.08.2017 | 13:36

10 жніўня, Мінск /Святлана Саўко - БЕЛТА/. Беларусаў будуць рэгулярна інфармаваць аб бяспецы і якасці пітной вады. Гэта прадугледжана законапраектам "Аб унясенні змяненняў і дапаўненняў у некаторыя законы Беларусі па пытаннях пітнога водазабеспячэння", паведаміў карэспандэнту БЕЛТА старшыня Пастаяннай камісіі па жыллёвай палітыцы і будаўніцтве Палаты прадстаўнікоў Юрый Дарагакупец.

Паводле слоў парламентарыя, плануецца размяшчаць інфармацыю ў мясцовых СМІ, на сайтах райвыканкамаў, службаў ЖКГ. Тут можна будзе азнаёміцца з паказчыкамі радыяцыйнай, санітарна-эпідэміялагічнай бяспекі вады, даведацца, як будуць устараняцца праблемы, калі яны ёсць.

Астатнія аспекты больш датычацца тэхслужбаў, якія аказваюць паслугу па водазабеспячэнні. Так, у законапраекце рэгламентуецца падрыхтоўка пітной вады, прадугледжаны меры, накіраваныя на прадухіленне забруджвання, засмечвання і пашкоджанні крыніц і цэнтралізаваных сістэм пітнога водазабеспячэння на тэрыторыях зон санітарнай аховы і многае іншае.

"Галоўная мэта паправак - стварыць умовы для аказання насельніцтву якаснай паслугі па сістэме водазабеспячэння", - падкрэсліў Юрый Дарагакупец.

Цяпер дэпутаты рыхтуюць законапраект да другога чытання. Ён уключаны ў графік для разгляду на асенняй сесіі Палаты прадстаўнікоў.

Даведацца аб якасці вады ў сваім доме ўжо цяпер могуць, напрыклад, мінчане - на сайце "Мінскводаканала". Тут размешчаны даныя аб жорсткасці, колькасці ў саставе жалеза, марганца, аміяку, нітратаў і іншыя паказчыкі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка валютнага рынку Абарот валютнага рынку Беларусі ў студзені-верасні 2017 года: усяго - $45 млрд 996,1 млн, на пазабіржавым валютным рынку - $30 млрд 206,2 млн, на БВФБ - $6 млрд 898,0 млн, на наяўным валютным рынку - $8 млрд 891,9 млн.