21 кастрычніка, Мінск /Кар. БЕЛТА/. Беларусь ратыфікавала Канвенцыю аб правах інвалідаў. Адпаведны закон апублікаваны сёння на Нацыянальным прававым інтэрнэт-партале, паведамляе БЕЛТА.
Міністэрства працы і сацыяльнай абароны вызначана органам, які курыруе пытанні, звязаныя з ажыццяўленнем Канвенцыі.
Канвенцыя як спецыяльны міжнародны дагавор у галіне абароны правоў чалавека ўстанаўлівае міжнародныя стандарты забеспячэння правоў і свабод інвалідаў і канкрэтызуе абавязацельствы дзяржавы адносна гэтай катэгорыі грамадзян. Мэтай яе з'яўляецца заахвочванне, абарона і забеспячэнне поўнага ажыццяўлення інвалідамі на роўнай аснове ўсіх правоў чалавека.
Для рэалізацыі норм Канвенцыі распрацоўваецца Нацыянальны план, накіраваны на ўдасканаленне сістэмы медыка-сацыяльнай экспертызы, прадастаўленне сучасных рэабілітацыйных паслуг, а таксама на забеспячэнне доступу інвалідаў і да працы, і да сацыяльнай інфраструктуры.
Законапраект быў прыняты Палатай прадстаўнікоў 3 кастрычніка 2016 года, адобраны Саветам Рэспублікі 6 кастрычніка. Прэзідэнт Беларусі Аляксандр Лукашэнка падпісаў дакумент 18 кастрычніка.
Канвенцыя аб правах інвалідаў прынята ў Нью-Ёрку 13 снежня 2006 года і падпісана Беларуссю 28 верасня 2015 года.-0-
