Мабільная версія
ДЗЯРЖОРГАНЫ
Апошнія навіны
Усе навіны

Беларусь падпісала ў Маямі восем пагадненняў аб супрацоўніцтве ў сферы высокіх тэхналогій

Грамадства 16.06.2017 | 20:00

16 чэрвеня, Мінск /Кар. БЕЛТА/. Па выніках Міжнароднай выстаўкі-канферэнцыі ў галіне высокіх тэхналогій eMerge Americas, якая прайшла ў Маямі 12-13 чэрвеня, беларускія арганізацыі і ўстановы вышэйшай адукацыі падпісалі восем пагадненняў аб навукова-тэхнічным, інавацыйным і адукацыйным супрацоўніцтве. Аб гэтым БЕЛТА паведамілі ў прэс-службе Дзяржаўнага камітэта па навуцы і тэхналогіях.

У прыватнасці, ААТ "КБТЭМ-ОМА" заключыла пагадненні з амерыканскімі кампаніямі па рэалізацыі шагавых рухавікоў і стварэнні ўстаноўкі кантролю паўправадніковых пласцін. Пагадненне ў галіне распрацоўкі і сумеснай вытворчасці вырабаў медыцынскага прызначэння падпісаў тэхнапарк БНТУ "Палітэхнік". БДУ, БДУІР і БНТУ падпісалі пагадненні па студэнцкім абмене і выкананні сумесных праектаў.

На міжнароднай выстаўцы-канферэнцыі eMerge Americas Беларусь упершыню прадставіла нацыянальную экспазіцыю з больш як 80 высокатэхналагічнымі і навукаёмістымі распрацоўкамі Мінадукацыі, НАН Беларусі, Парка высокіх тэхналогій па актуальных тэматычных напрамках. Узначальваў беларускую дэлегацыю старшыня Дзяржаўнага камітэта па навуцы і тэхналогіях Беларусі Аляксандр Шумілін.

eMerge Americas - міжнародная платформа для пашырэння тэхналогій і абмену ідэямі. Арганізатары нацыянальнай экспазіцыі Беларусі - Дзяржкамітэт па навуцы і тэхналогіях пры садзейнічанні адміністрацыі Парка высокіх тэхналогій, Міністэрства адукацыі, Міністэрства прамысловасці, МЗС, БелГПП, НАН Беларусі, Нацыянальнага цэнтра маркетынгу і кан'юнктуры цэн.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.