24 ліпеня, Мінск /Кар. БЕЛТА/. Беларусь і Украіна дамовіліся аб перадачы гуманітарнай дапамогі без пасрэднікаў. Аб гэтым 22 ліпеня журналістам паведаміў міністр па надзвычайных сітуацыях Беларусі Уладзімір Вашчанка, перадае карэспандэнт БЕЛТА.
Адказваючы на пытанне аб візіце ва Украіну ў складзе беларускай дэлегацыі, міністр расказаў, што прэзідэнты Беларусі і Украіны на перагаворах у пашыраным складзе абазначылі пытанні гуманітарнай дапамогі. "Дамовіліся перадаваць дапамогу без пасрэднікаў. Кіраўніцтвам Украіны будуць створаны ўсе ўмовы, каб мы бесперашкодна праходзілі граніцу. І будуць адкрыты ўсе калідоры для дастаўкі непасрэдна тым людзям, хто мае патрэбу ў гэтай дапамозе", - падкрэсліў Уладзімір Вашчанка.
Як паведамлялася, у чэрвені беларуская гуманітарная дапамога на суму больш як Br117 тыс. была дастаўлена транспартам МНС ва Украіну і перададзена місіі Міжнароднага Чырвонага Крыжа ў гэтай краіне. Прадстаўнікі Чырвонага Крыжа забяспечвалі дастаўку грузу да месца прызначэння.-0-
