Мабільная версія
ДЗЯРЖОРГАНЫ
Апошнія навіны
Усе навіны

Беларусь і Рэспубліка Карэя правядуць конкурс сумесных навукова-тэхнічных праектаў

Грамадства 25.07.2017 | 17:12

25 ліпеня, Мінск /Кар. БЕЛТА/. Дзяржаўны камітэт па навуцы і тэхналогіях Беларусі і Міністэрства навукі, ІКТ і перспектыўнага планавання Рэспублікі Карэя правядуць конкурс сумесных навукова-тэхнічных праектаў на 2017-2019 гады, паведамілі БЕЛТА ў прэс-службе ДКНТ.

Як расказаў на сустрэчы з прэзідэнтам Карэйскага інстытута навукі і тэхналогій (KIST) Лі Бен Гвонам старшыня Дзяржкамітэта па навуцы і тэхналогіях Беларусі Аляксандр Шумілін, заяўкі ўдзельнікаў прымаюцца з 1 жніўня па 28 верасня 2017 года. Прыярытэтнымі напрамкамі беларуска-карэйскага супрацоўніцтва для ўдзелу ў конкурсе навукова-тэхнічных праектаў з'яўляюцца ядзерная энергетыка, аэракосмас, біятэхналогіі, новыя матэрыялы, адытыўныя тэхналогіі.

У сваю чаргу прэзідэнт KIST праінфармаваў, што Карэйскі інстытут навукі і тэхналогій уключае шэраг НДІ, якія складаюцца з навукова-даследчых цэнтраў. Бакі могуць стварыць сумесныя даследчыя цэнтры і лабараторыі для выканання навукова-тэхнічных праектаў, якія ўяўляюць узаемную цікавасць. Перш за ўсё гэта датычыцца вобласці мікраэлектронікі, медыцыны і фізіялогіі.

Конкурс сумесных беларуска-карэйскіх навукова-тэхнічных праектаў праводзіцца ў адпаведнасці з міжурадавым пагадненнем аб эканамічным, навуковым і тэхнічным супрацоўніцтве ад 17 мая 2004 года.

Карэйскі інстытут навукі і тэхналогій (Korea Institute of Science and Technology) створаны ў 1966 годзе як першы навукова-тэхнічны даследчы інстытут у краіне і сёння прадаўжае адыгрываць вядучую ролю ў гэтай галіне. Асноўная місія KIST - пошук рашэнняў для пераадолення глабальных выклікаў, такіх як старэнне насельніцтва, а таксама абмежаванасць энергетычных, харчовых і іншых рэсурсаў, з дапамогай перадавых навуковых даследаванняў.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка валютнага рынку Абарот валютнага рынку Беларусі ў студзені-верасні 2017 года: усяго - $45 млрд 996,1 млн, на пазабіржавым валютным рынку - $30 млрд 206,2 млн, на БВФБ - $6 млрд 898,0 млн, на наяўным валютным рынку - $8 млрд 891,9 млн.