Сцяг Пятніца, 29 сакавіка 2024
Усе навіны
Усе навіны
Грамадства
15 жніўня 2018, 11:21

Беларусь і Кітай абмяркуюць развіццё супрацоўніцтва ў сумеснай баявой падрыхтоўцы

15 жніўня, Мінск /Кар. БЕЛТА/. Начальнік Генеральнага штаба Узброеных Сіл - першы намеснік міністра абароны Беларусі Алег Белаконеў у час афіцыйнага візіту ў КНР абмяркуе развіццё супрацоўніцтва ў сумеснай баявой падрыхтоўцы, паведамілі БЕЛТА ў Міністэрстве абароны.

Візіт пройдзе з 15 па 18 жніўня. "Плануецца правесці перагаворы з начальнікам Аб'яднанага штаба Цэнтральнага ваеннага савета КНР Лі Цзачэнам. Бакі абмяркуюць актуальныя пытанні развіцця супрацоўніцтва ў такіх галінах, як сумесная баявая падрыхтоўка, ваенная адукацыя, а таксама ўзаемадзеянне ў рамках Шанхайскай арганізацыі супрацоўніцтва", - праінфармавалі ў Мінабароны.

Акрамя таго, плануецца, што Алег Белаконеў 17 жніўня ў горадзе Цзінань будзе назіраць за актыўнай фазай сумеснай беларуска-кітайскай контртэрарыстычнай трэніроўкі (вучэння) "Атакуючы сокал - 2018". Чакаецца таксама, што ён прыме ўдзел у афіцыйнай цырымоніі закрыцця.

Як паведамлялася, вучэнне "Атакуючы сокал" праходзіць 4-18 жніўня ў горадзе Цзінань (правінцыя Шаньдун). У ім прымаюць удзел амаль 50 ваеннаслужачых сіл спецыяльных аперацый Узброеных Сіл Беларусі. Трэніроўка праводзіцца рэгулярна з мэтай умацавання партнёрства дзвюх армій у сферы рашучага процідзеяння тэрарыстычным пагрозам.-0-

Падпісвайцеся на нас у
Twitter
Топ-навіны
Свежыя навіны Беларусі