3 жніўня, Мінск /Кар. БЕЛТА/. Беларусь азнаёміцца з вопытам Германіі па абароне персанальных даных. Такая інфармацыя размешчана на сайце Мінюста па выніках сустрэчы міністра юстыцыі Алега Сліжэўскага з Надзвычайным і Паўнамоцным Паслом ФРГ у Беларусі Петэрам Дэтмарам, паведамляе БЕЛТА.
Удзельнікі сустрэчы абмеркавалі пытанні развіцця супрацоўніцтва ў прававой сферы. Абмяркоўвалася ініцыятыва Федэратыўнай Рэспублікі Германія, якая датычыцца арганізацыі азнаямлення беларускага боку з вопытам рэгулявання абароны інфармацыі ў гэтай краіне. У прыватнасці, размова ідзе аб найбольш актуальным на сёння аспекце - абароне персанальных даных.
Атрыманы вопыт будзе выкарыстоўвацца пры развіцці заканадаўства аб абароне інфармацыі ў Беларусі.-0-