Мабільная версія
ДЗЯРЖОРГАНЫ
Апошнія навіны
Усе навіны

БЧ у студзені-красавіку павялічыла продажы білетаў праз інтэрнэт на 24 працэнты

Грамадства 17.05.2018 | 12:25
Фота з архіва
Фота з архіва

17 мая, Мінск /Кар. БЕЛТА/. На сайце Беларускай чыгункі ў студзені - красавіку 2018 года было аформлена больш за 800 тыс. электронных білетаў, што на 24 працэнты больш, чым за аналагічны перыяд мінулага года, паведамілі БЕЛТА ў прэс-цэнтры БЧ.

"Удзельная вага продажу білетаў праз інтэрнэт (ад агульнай колькасці праязных дакументаў, аформленых праз АСК "Экспрэс" у білетных касах БЧ) у красавіку 2018 года склала 21,3 працэнта. Павелічэнню продажу праязных дакументаў праз інтэрнэт садзейнічае праводзімая чыгункай работа па ўдасканаленні сістэмы продажу", - адзначылі ў прэс-цэнтры.

У пасажыраў таксама карыстаецца попытам паслуга куплі білетаў праз плацежна-даведачныя тэрміналы самаабслугоўвання. У студзені-красавіку з іх выкарыстаннем было рэалізавана 348,8 тыс. білетаў. У мінулым годзе тэрміналы забяспечылі новай версіяй праграмнага забеспячэння, што дае магчымасць людзям, якія дасягнулі пенсійнага ўзросту, з 1 мая па 30 верасня набываць ільготныя праязныя дакументы (білеты). Да канца гэтага года плануецца ўстанавіць 26 мультымоўных тэрміналаў самаабслугоўвання з купюра- і манетапрыёмнікамі.

У красавіку бягучага года была ўкаранёна новая паслуга аплаты праезду з дапамогай смарт-картак з транспартнымі тарыфнымі адзінкамі ў паяздах гарадскіх ліній. Папоўніць смарт-картку можна ў любой чыгуначнай касе. У красавіку гэтай паслугай аплаты скарысталіся больш за 2,1 тыс. пасажыраў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Будаўніцтва жылля ў Беларусі У студзені-красавіку 2018 года арганізацыямі ўсіх форм уласнасці пабудавана 12,9 тыс. кватэр. Уведзена ў эксплуатацыю 1 147,5 тыс. кв.м агульнай плошчы жылля.