Мабільная версія
ДЗЯРЖОРГАНЫ
Апошнія навіны
Усе навіны

Авіярэйсы з Мінска ў Анапу будуць арганізаваны летам 2018 года ўпершыню з часу Савецкага Саюза

Грамадства 19.10.2017 | 19:57
Фота з архіва
Фота з архіва

19 кастрычніка, Мінск /Кар. БЕЛТА/. У летнім сезоне 2018 года ўпершыню з часу Савецкага Саюза з Мінска будуць дзейнічаць авіярэйсы ў Анапу. Аб гэтым паведаміў сёння намеснік генеральнага дырэктара ААТ "Авіякампанія "Белавія" Ігар Чаргінец перад прэзентацыяй новай формы адзення экіпажаў кампаніі, адказваючы на пытанне карэспандэнта БЕЛТА.

"З пачатку чэрвеня 2018 года ўпершыню з часу Савецкага Саюза будуць выконвацца рэйсы з Мінска ў Анапу на працягу летняга сезона, калі ўсе хочуць да мора, на сонца. Паглядзім попыт, які будзе камерцыйны рэзультат. І далей ужо будзем прымаць рашэнне, ці прадаўжаць гэтыя рэйсы", - сказаў Ігар Чаргінец.

Цяпер кампанія яшчэ займаецца фарміраваннем тарыфаў. Але, на думку намесніка гендырэктара, яны будуць супастаўныя з устаноўленымі цэнамі на пералёты ў Сочы і Краснадар.

"Калі гаварыць пра будучы летні сезон, то авіякампанія прыняла рашэнне з канца красавіка выконваць круглагадовыя рэйсы з Мінска ў Растоў. З навінак пакуль усё, але дакладнай інфармацыі пра поўны расклад летняга сезона яшчэ няма, гаварыць аб гэтым пакуль рана", - дадаў субяседнік.

Авіякампанія "Белавія" - буйнейшы авіяперавозчык Беларусі. Базіруецца ў Нацыянальным аэрапорце Мінск і ажыццяўляе з Мінска рэгулярныя рейсы ў 49 аэрапортаў 28 краін. Флот авіякампаніі налічвае 26 паветраных суднаў (пяць Boeing 737-800, шэсць Boeing 737-500, сем Boeing 737-300, два Embraer-175, два Embraer-195, чатыры CRJ-100/-200).-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэкрэт "Аб развіцці прадпрымальніцтва" Прэзідэнт Беларусі Аляксандр Лукашэнка 23 лістапада падпісаў дэкрэт №7 "Аб развіцці прадпрымальніцтва", які з'яўляецца ключавым дакументам з пакета нарматыўных прававых актаў па паляпшэнні бізнес-клімату ў краіне.