27 кастрычніка, Мінск /Кар. БЕЛТА/. Аранжавы ўзровень небяспекі аб'яўлены ў Беларусі 28 кастрычніка з-за туману, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна, ноччу пераважна без ападкаў. Днём на большай частцы тэрыторыі пройдуць ападкі (дождж, мокры снег). Ноччу і раніцай у многіх раёнах чакаецца туман, слабы галалёд, на асобных участках дарог - галалёдзіца. Вецер прагназуецца ноччу слабы, днём паўднёвы, паўднёва-заходні 5-10 м/с, парывы да 14 м/с, у асобных раёнах парывы да 15-20 м/с.
Тэмпература паветра ноччу складзе ад мінус 3 да плюс 3, днём будзе ад 1 да 7 градусаў цяпла, па захадзе да плюс 9.-0-
