14 жніўня, Мінск /Кар. БЕЛТА/. Аранжавы ўзровень небяспекі аб'яўлены ў Беларусі 15 жніўня з-за навальніц, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. На большай частцы тэрыторыі краіны пройдуць кароткачасовыя дажджы, навальніцы, у асобных раёнах моцныя ліўні. Вецер будзе паўднёвы з пераходам на заходні 4-9 м/с, пры навальніцах парывы дасягнуць 14 м/с. У дзённы час па паўднёвым усходзе краіны месцамі магчыма шквалістае ўзмацненне ветру да 15-20 м/с.
Тэмпература паветра ўначы складзе 14-20 градусаў цяпла, удзень - плюс 22-28 градусаў, па паўднёвым усходзе Гомельскай вобласці паветра прагрэецца да 30 градусаў.-0-
