24 ліпеня, Мінск /Кар. БЕЛТА/. Аранжавы ўзровень небяспекі аб'яўлены ў Беларусі 25 ліпеня з-за навальніц і шквалістага ветру, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Ноччу ў асобных раёнах, днём на большай частцы тэрыторыі краіны пройдуць кароткачасовыя дажджы. Днём па паўднёвай частцы прагрымяць навальніцы, у асобных раёнах чакаюцца моцныя ліўні, магчымы град. Ноччу і раніцай месцамі будзе туман. Прагназуецца вецер пераменных напрамкаў 4-9 м/с, пры навальніцах шквалістае ўзмацненне ветру месцамі дасягне 15-20 м/с.
Тэмпература паветра ноччу складзе 12-18 градусаў цяпла, днём будзе плюс 22-28, па паўднёвым усходзе - да плюс 30.-0-